गद्दाफी हत्याया विरोध

ख्वप (सन्ध्या टाइम्स)/लिबियाया सैनिक शासक कर्णेल गद्दाफीयात गोलीं कयेकाः स्याःगु विरोधय् थौं नेमकिपां ख्वपय् जुलुस पिकाल। पार्टीलिसे सतीगु नेक्रावि संघ व नेक्रायु संघं याःगु उगु प्रदर्शनय् कर्णेल गद्दाफी अमर जुइमा, अमेरिकी साम्रज्यवाद मुर्दावाद धइगु नारा थ्वयेकाः वःगु खः। जुलुस लिपा नासमनाय् जूगु सभाय् न्ववासें नेक्रावि संघया सचिव रविन्द्र याक्वं लिबियाया अथाह चिकं भण्डार कब्जा यायेत अमेरिकां गद्दाफीयात स्याःगु खः धयादिल ।