श्रीघः विहारय् कथिनदान
येँ(सन्ध्या टाइम्स)/श्रीघः विहारया ग्वसालय् वंगु मंगलवाः महान पवित्र कथिन चीवर पुन्योउत्सव जुल। भिक्षु गौतम वर्षावास च्वनाबिज्याःगु लसताय् उगु उत्सव जूगु खः। उत्सवय् संघ नायक भन्ते अश्वघोष महास्थवीरं शील प्रार्थना, बुद्धपुजालिसें धर्म देशना नं बियाबिज्याःगु खः। उत्सवय् दाता सर्यकाजी महर्जनं कथिन चीवर दान यानादीगु खःसा उपासक-उपासिकापिंसं अष्ट परिस्कार दान याःगु खः।
मुक्कं पीप्यम्ह भिक्षुपिं व पीम्ह गुरुमांपिं उपस्थित जुयाबिज्याःगु उगु उत्सवय् उपस्थित भिक्षु, गुरुमांपिंसं म्हतिं निसःत्या दां लुम्बिनी निर्माण जुइत्यंगु थेरवाद बौद्ध विहारया निंतिं दान यानाबिज्याःगु खः।
