'सरकार भारतया इशाराय्'

येँ(सन्ध्या टाइम्स)/एकीकृत माओवादीया महासचिव रामबहादुर थापा बादलं थःगु हे दलया छथ्वः नेतात भारतया ईशारां चले जुयाच्वन धकाः द्वपं बियादीगु दु।
माओवादी पार्टीया बरिष्ठ उपाध्यक्ष मोहन बैद्य किरण पक्षधरया बाग्लुङय् थौं जूगु कार्यकर्ता भेलाय् न्ववायेगु झ्वलय् वय्कलं पार्टी तमछ्यायेगु नामय् देशया अस्तित्व भारतयात लःल्हायेगु जुइ मखु धकाः नं धयादिल। वय्कलं वर्तमान सरकारय् दुपिं माओवादीया नेतांनिसें मेमेगु दल तकं भारतया ईशाराय् चले जुयाच्वन धकाः द्वपं बियादिल।