'लडाकु धरौटीइ तयाः ब्याज नयाच्वन'
येँ(सन्ध्या टाइम्स)/एमालेया नेता केपी ओलीं लडाकु धरौटीइ तयाः माओवादीं लबः नयाच्वन धकाः द्वपं बियादीगु दु। लडाकुतय्त शिविरय् महान धायेगु अले ध्यबा जक खल्तीइ तयेगु ज्या माओवादीया नेतातय्सं यानाच्वन धकाः नं वय्कलं द्वपं बियादिल।
देय्या थीथी थासय् लडाकु शिविरय् दुपिं ल्याय्म्हतय्गु उमेर सितिं वनाच्वंगु खँ न्ह्यथसें वय्कलं परिवर्तनया म्हगस खंकाच्वंपिं ल्याय्म्हतय्त माओवादी पार्टीं घरौटीइ तयातल धकाः न्ह्यथनादीगु दु।
थौं भरतपुरय् प्रेस चौतारीं याःगु पत्रकार भेटघाट ज्याझ्वलय् न्ववासें नेता ओलीं अथे धयादीगु खः। वय्कलं धयादिल 'गुज्वःपिं सरकारय् दु धकाः आः मन्त्रीया नां व फोटो जक स्वयेवं गाः। लडाकुतय्सं सरकारपाखें उपलब्ध याःगु पारिश्रमिक व राशन काये खनाच्वंगु मदु।'
