दुर्घटनाय् मदुपिनिगु सीम्ह छेँजःपिंत लःल्हाइगु

येँ(सन्ध्या टाइम्स)/नेपाली सेनाया विमान दुर्घटनाय् लानाः मदुपिनिगु सीम्ह थौं छेँजःपिंत लःल्हाइगु जूगु दु। वंगु मंगलवाः विमान दुर्घटनाय् लानाः विमानय् दुपिं खुम्हं मनूत सीगु खः।
महाराजगञ्जया शिक्षण अस्पतालय् पोष्टमार्टम व माःगु कानुनी प्रक्रिया पूरा यानाः थौं सनिलय् तकया दुने लाश लःल्हायेगु तयारी जुयाच्वंगु दु। बागलुङय् सैनिक विमानपाखें म्हिगः छाउनीया सैनिक अस्पतालय् तयातःगु सीम्ह पोष्टमार्टमया नितिं थौं सुथय् जक शिक्षण अस्पतालय् यंकूगु खः।