खर्च कटौतिया विरोधय् ग्रीसय् आम हडताल

ग्रीसय् खर्च कटौतिया विरोधय् पीच्याघौया आम हडताल न्ह्याकूगु दु । ग्रीसया संसदय् खर्च क्वपालेगु न्हूगु मस्यौदायात कयाः मतदान यायेत्यंगु इलय् पीच्याघौ हडतालाया आह्वान याःगु खः । खर्च क्वपालेगुया न्हूगु मस्यौदाय् कर अप्वयेकूगु, तलब नापं लजगा क्वपालेगु प्रावधान तयातःगु दु ।हडतालया लिच्वः हवाइ, यातायात। आम नागरिक सेवा, सरकारी नापं नीजि संघ संस्थाय् तकं लाःगु दु । ग्रीसय् लिपांगु वालंनिसें विरोध प्रदर्शन अप्वया वनाच्वंगु दु । ग्रीसय् याःगु थुगु हडतालय् सरकारी नापं नीजि लागाया ज्यामि व मजदुरतय्सं ब्वति कयाच्वंगु दु ।

More Stories Like this