ज्ञानमाला महारत्न संगीत सिरपाः नीस्वन

येँ (सन्ध्या टाइम्स)/ज्ञानमाला भजन खलः स्वयम्भूया आजिवन जः महामुनिरत्न सिख्राकारं थः अबु लिसें खलःया पुलांम्ह नायः मदुम्ह महारत्न उपासकया नामं 'ज्ञानमाला महारत्न संगीत सिरपाः' नीस्वनादीगु दु। न्हून्हूपिं ज्ञानमाला भजन च्वमिपिंत हःपाः कथं दँय्दसं बीगु उगु सिरपाः ज्ञानमाला भजन खलः स्वयम्भूपाखें लःल्हाइ। सिरपाःया नितिं छगू लख तकया अक्षय कोष तःगु दुसा उगु हे कोषं वइगु ब्याजं सिरपाः बी ।