थौं मुस्मांपाखें घेराउ
येँ (सन्ध्या टाइम्स)/इस्लामिक संघया महासचिव फैजान अहमदया हत्या याःम्हेसित कारवाही यायेमाःगु माग यासें फैजान हत्या संघर्ष समितिं थौं देय्न्यंकंया सीडीओ ज्याकुथी सुथय् ९ निसें ११ बजे तक घेराउ यात। वंगु असोज ९ गते घण्टाघर लागाय् न्हिनय् हे गोलीं कयेकाः फैजानयात स्याना बिउगु खः। उगु घटनाय् आः तक सुयातं मज्वंनिगु कारणं दोषीयात कारवाही यायेमाःगु माग यासें छगू दर्जनं मल्याक मुस्मांतय्गु संगठनया मंकाःगु पुचः फैजान हत्या विरुद्ध संघर्ष समितिं संघर्षया ज्याझ्वः याना वयाच्वंगु दु ।
