फिल्म निर्देशक दीपक रायमाझी मंत
येँ (सन्ध्या टाइम्स)/चलचित्र निर्देशक दीपक रायमाझी वंगु चान्हय् साढे १२ बजे हृदयाघात जुयाः मंत। बाँसबारीया सहिद गंगालाल राष्ट्रिय ह्दयरोग केन्द्रय् वासः याकुयाकुं मदुम्ह रायमाझी ५७ दँ दुम्ह खः। ३२ दँ न्ह्यः 'भाग्यरेखा' फिल्मया निर्देशक जुयाः थःगु करिअर सुरु यानादीम्ह रायमाझीं 'युगदेखि युगसम्म', 'कसम', 'प्रियसी', 'पराईघर' थेंज्याःगु लोकंह्वाःगु फिल्मया निर्देशन यानादीगु दु ।
