नेवाः मोर्चां नेवाः राज्य प्राप्तिया नितिं न्हूदँ हनीगु

येँ (झीगु स्वनिगः)
एकीकृत नेवाः राष्ट्रिय मुक्ति मोर्चा येँ जिल्लाया सचिवालय् मुँज्या म्हिगः मंगलवाः च्वनाः नेवाः स्वायत्त राज्य प्राप्तिया नितिं नेपाल संवत् ११३२ न्हूदँयात तःजिक हनेगु क्वःछ्यूगु दु । नेवाः मोर्चाया मूछ्याञ्जे पवनमान श्रेष्ठ मूपाहां जुयादीगु उगु मुँज्यां मोर्चाया केद्रं तयार याःगु नारा 'संघीता व नेवाः राज्य झीगु मू आज्जु, झीगु गौरवशाली राष्ट्रिय संवत् नेपाल संवत् न्हूदँ ११३२या लसताय् सकल नेपाःमि जनतायात दुनुगलंनिसें भिंतुना' च्वयाः येँया २१ गू हे सांगठनिक क्षेत्रय् ब्यानर तयेगु, भित्ते लेखन यायेगु, नेवाः स्वायत्त राज्यया चेतना ब्वलंकेगु नितिं स्टिकर पिकायेगु, खुल्ला मञ्चय् जुइगु न्हूदँ समारोहलय् नेवाः मोर्चाया ध्वाँय् ज्वनाः प्रभावकारी रुपं ब्वति कायेगु व जिल्लाया ब्यागलं कथं नं योजना दयेकेगु धकाः क्वःछ्यूगु दु । मुँज्या एकीकृत नेवाः मोर्चाया येँ जिल्लाया नायः पञ्चलाल महर्जनया सभापतित्वय् जूगु खः ।