झापा व इलामय् नं न्हूदँ समिति

येँ(सन्ध्या टाइम्स)/नेवाः देय् दबूया झापा व इलाम समन्वय समितिं ब्यागलं ब्यागलं कथं जिल्ला स्तरीय नेपाल संवत् ११३२ या न्हूदँ तःजिक हनेत समिति नीस्वंगु दु।
झापाया नेवाः देय् दबू जिल्ला समितिया सचिव दिनेश शाक्यया नेतृत्वय् आदिवासी जनजातित नापं दुथ्याकाः ४१ सदस्यीय न्हूदँ समारोह समिति नीस्वंगु खः। उगु समितिं थ्वहे वइगु शनिवाः नेपाल संवत्या राष्ट्रिय महत्वयात कयाः विचार गोष्ठी यायेगु, मंकाः कथं म्हपुजा यायेगु, मोटरसाईकल र्‍याली पिकायेगु, छेँय् छेँय् न्हूदँया ब्यानर तयेगु धकाः नं निर्णय याःगु दु।
अथे हे नेवाः देय् दबू इलाम जिल्ला समितिया सचिव युद्ध प्रसाद बैद्यया नेतृत्वय् न्हूदँ हना समिति नीस्वंगु दु। उगु समितिं न्हूदँ कुन्हु र्‍याली यायेगु, म्हपुजाया कार्यविधियात कयाः प्रचार प्रसार यायेगु नापं जिल्लाया १९ गुलिं हे गाविसय् नेपाल संवतया प्रवर्तक शंखधर साख्वाःया किपा इनेगु धकाः निर्णय याःगु दु।