गुरुमां दिल्लीइ बिज्याइगु
येँ(सन्ध्या टाइम्स)/उसाँय् मदयाच्वंम्ह धम्मावती गुरुमां थप स्वास्थ्य परीक्षणया लागिं भारतया न्हूदिल्ली बिज्याइगु जूगु दु। पसपोलयात स्वयाच्वंम्ह ओम अस्पतालया डा. सुदिप श्रेष्ठ नापं भन्ते गुरुमां, उपासकपिनि दथुइ जूगु सल्लाह कथं वसपोल दिल्ली बिज्यायेत्यंगु खः। अनया बीएल कपुर अस्पतालय् वसपोलया 'पेट क्यानिङ्ग' याइ। दिल्लीइ वसपोल नापं डा. उजित कर्माचार्य, निम्ह गुरुमां, धर्मकीर्ति संरक्षण कोषया दुजः, धर्मकीर्ति स्वास्थ्य कमिटीया दुजः लिसें परिवारया दुजः नं झाइगु ग्वसाः दु। वसपोल कन्हय् वा कंस उखे बिज्याइ।
