नेपालमण्डल बन्दयात नेवाः जागरण मंच जापानपाखें एक्यबद्धता
नेवाः स्वायत्त राज्य मंका संघर्ष समितिं थ्वहे वइगु जेठ १८ गते यायेत्यंगु नेपालमण्डल बन्दयात नेवाः जगरण मंच जापानपाखें पूर्ण समर्थन व एक्यबद्धता प्वंकूगु दु ।
नेवा: जागरण मंच जापानया नायः सुनिल कुमार श्रेष्ठं मंगलवाः छगू विज्ञप्ति पिथनाः नेवाः भूमि नेवाः अधिकार स्थापित यायेत नेवाःतय्गु थःगु लागाःय् यायेत्यंगु नेपालमण्डल बन्दया आह्वानयात जापानया सकल नेवाःत व नेवाः जागरण मंच जापानपाखे पूर्ण समर्थन व एक्यबद्धता प्वंकूगु दु ।
अथेहे विज्ञप्तिइ नेपालमण्डल बन्द ताः लाकेत विदेशय् च्वंपिं सकल नेवाःतय्सं थुकीयात समर्थत व एक्यबद्धता प्वंकेत नं इनाप याःगु दु । नापं विज्ञप्तिइ नेपाल सामाजिक रुपं जनजातित मिले जुया नेपाः निर्माण जूगु धासें जनजातितय्त राज्य संयन्त्र व राजनीतिक अधिकार मदूतल्ले वास्तविक रुपं न्हूगु नेपाल निर्माण जुइ मफइगु खँ न्ह्यथनातःगु दु ।
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
