सरकारं सन् २०१२यात लुम्बिनी भ्रमण वर्ष घोषणा
सरकारं सन् २०१२यात लुम्बिनी भ्रमण वर्ष घोषणा याःगु दु । सोमवाः प्रधानमन्त्री डा. बाबुराम भट्टराईया अध्यक्षताय् च्वंगु मन्त्रिपरिषद्या मुँज्यां उगु घोषणा याःगु खः ।
मन्त्रिपरिषदया मुँज्यां लुम्बिनीया विकास यायेत माओवादी नायः पुष्पकमल दाहाल 'प्रचण्ड'या अध्यक्षताय् बृहत्त लुम्बिनी विकास राष्ट्रिय निर्देशक समिति नं नीस्वंगु दु । उगु समितियात लुम्बिनीया बृहत्तर विकास नापं शान्ति क्षेत्र व पर्यटकीय क्षेत्रय् गुरुयोजनाया प्रस्ताव तयार यायेगु जिम्मा बिउगु दु । नापं लुम्बिनी विकासया निंतिं अन्तर्राष्ट्रिय ग्वाहालि जुटे यायेगु जिम्मेवारी नं बिउगु दु ।
समितिइ वन मन्त्री मोहम्मद वकिल मुसलमान, कांग्रेसपाखें मिनेन्द्र रिजाल, एमालेपाखें मंगलसिद्धि मानन्धर सहित खुम्ह दुजःत दुथ्याः ।
अथेहे मन्त्रिपरिषदया मुँज्यां फागुन १४ गते निसें छवाः तक राष्ट्रिय खेलकुद कैलाली व कञ्चनपुरय् यायेगु निर्णय नं याःगु दु ।
