भूमिसुधार मन्त्रीपाखें राजीनामा

हिन्दु युवा संघया नायः काशीनाथ तिवारीया हत्याया द्वपं लानाच्वम्ह भूमिसुधार मन्त्री प्रभु शाहं थःगु पदपाखें राजीनामा बियादीगु दु । मन्त्री शाहं आइतवाः न्हिनय् ४ बजे प्रधानमन्त्री डा. बाबुराम भट्टराईयात थःगु राजीनमा पौ लःल्हाःगु खः । थ्वस्वयां न्ह्यः माओवादी पदाधिकारी मुँज्यां शाहयात सरकारं लितसतेगु निर्णय याःगु खः ।

शाहयात राजीनामा याकेत प्रधानमन्त्रीयात प्रतिपक्षी दलतय् दबाव लानाच्वंगु खः । कांग्रेस, एमाले लगायत दलतय्सं शाह नापं रक्षामन्त्री शरदसिंह भण्डारीया राजीनामा माग यासें व्यवस्थापिका संसदया मुँज्याय् अवरोध यानाच्वंगु दु ।