रमापतियात हना

यल (सन्ध्या टाइम्स)/राजोपाध्याय समाजपाखें म्हिगः छगू ज्याझ्वःया दथुइ भाषा शिरोमणि रमापतिराज शर्मा राजोपाध्याययात हनेज्या यात। वय्कःयात मदन कीर्ति चन्द्र प्रतिभा सम्मान लःल्हासें हनेज्या याःगु खः। नेपालभाषा एकेडमिया चान्सलर नापं संस्कृतिविद् सत्यमोहन जोशी मूपाहां जुयादीगु उगु ज्याझ्वलय् शर्मायात हनापौ लःल्हानाः, दोसल्लां न्ययेकाः नापं झिद्वः तका दां लःल्हानाः अथे हनेज्या याःगु खः। उगु ज्याझ्वलय् थुगुसी एसएलसी पासा जूपिं राजोपाध्याय विद्यार्थीपिंत नं हनापौ लःल्हाःगु खः ।