माइक्रोतय् फुर्ति

च्वमि भाजु नर्मदेश्वर प्रधानं उकुन्हु झी वये वने यायेगु लोकल गाडीतय्सं याइगु मनोमानीयात कयाः च्वयादीगु तसकं मार्मिक जुल । उकुन्हु छक्वः जि नं चाबहिलिं रत्नपार्क वयाच्वनागु माइक्रोबसय् च्वनाः । छगू मिटिंगय् वनेमाःगु । लिबाये नं धुंकल । मोबाइलय् फोन वःगु वलं जुयाच्वन । तर मैतीदेवी पाखे लाःगु सेतो पुलय् गाडी दिकाः ड्राइभर व कन्डक्टर निम्हं गन वं गन वं । उजुंसुजुं उपिं वःगु मदु । बसय् च्वनाच्वंपिं मेपिनि नं गनं वनेगु हथाय्गु ज्या दुगु हे जुइमाः । सकलें हालाच्वन । न मेगु गाडी गयेगु न उकी हे च्वनाच्वनेगु । लिपा ला उपिं छगू पसलं ख्वाट्ट धायेक पिहां वल । छु न्याः वंपिं खः मसिउ । उमिसं यात्रुतय् समस्या यात्रुतय्गु ईयात भचा हे ध्यान बिउगु खने मदु । गनं वनेगु हे खःसां यात्रुतय्त छकः धया थकेमाःगु खः । तर छुंछां मधासे सुरुक्क वंगुलिं अन सकलें तम्वल । वास्तवय् बस माइक्रोबसय् यात्रा यायेबलय् उमिसं थुकथं नं हेला याये यः । यात्रुतय्त गने हे याइगु मखु । छम्ह निम्ह यात्रुत उपिंलिसे हा नं हाली । तर हालां छु याये छुं खितिक्क जुल कि हानं फुकसित सःताः अन हे चक्का जाम याना बी । बिचरा यात्रुतय् गनं वनेथाय् नं मदु । थुकी ला माःगु सजाँय हे बीमाः थें च्वं ।

तुल्सीनन्दन श्रेष्ठ चाबही ।

More Stories Like this