देय्गुथिया न्हूदँ

येँ (सन्ध्या टाइम्स)/नेपाल संवत् ११३२ न्हूदँ हनेगु विषययात कयाः नेवाः देय् गुथि नेपालमण्डलं म्हिगः थन छगू पत्रकार सम्मेलन यासें न्हूदँ कुन्हु यायेगु थीथी ज्याझ्वःया जानकारी बिल। थुगुसी देय्गुथिं नेवाः स्वायत्त राज्यया ध्वाँय् ब्वयेकाः न्हूदँ हनेगु व स्वायत्त राज्यया माग थ्वयेकेगु निर्णय यानागु खँ गुथिया न्हूदँ समारोह समितिया नायः कृष्णभक्त मानन्धरं कनादिल। गुथिया नायः मोहनबहादुर महर्जनं न्हूदँ कुन्हु कुमारी माजु साक्षी तयाः संघर्षया संकल्प यायेगु खँ कनादिल ।