अन्नपूर्ण ज्ञानमाला भजन
सम्पादकजु
दँय्दसं स्वांयाःपुन्हि महामानव गौतम बुद्धया बुन्हि कुन्हु ज्ञानमाला भजन स्वयम्भुया ब्वनाय् स्वयम्भु भजन सतलय् भजन न्यंकः वइगु अन्नपूर्ण ज्ञानमाला भजन थ्व पालय् नं न्यने दुगुलिं मन साप लय्ताः । वय्कःपिंसं थुलि बांलाक हालादिल कि 'लुँयात खोल तयेम्वाः' धाःथें जुल । न्हापा न्हापा केशरमान दाईपाखें छुं दिनयागु लागिं हार्मोनियम थाकाः जिपिं स्वयम्भूया पासापिं नापनापं भजन हालेधुंगुलिं नं जितः थुलि घट लगे जूगु जुइफु । वय्कःपिंसं हालादीगु पह व स्टाइल हे जितः यः । थथे जुयाः जुइ अप्वःसिगु मन साला काये फुगु । वय्कःपिनिगु भजन न्हियान्हिं झःझः धायेक वने फयेमा धकाः जिगु दुनगलंनिसें कामना यानाच्वना । अले थथे बांबांलाःगु भजन खलःतय्त ब्वनादीपिं ज्ञानमाला भजन खलःया पदाधिकारी धर्म पासापिंत नं सुभाय् देछानाच्वना । नापं लिपा लिपा नं अन्नपूर्ण ज्ञानमाला भजन व सीघः ज्ञानमाला भजन जक मखु मेमेगु भजन खलःतय्त नं ब्वनादीत ज्ञानमाला भजन खलःया नायः भाजु रत्नबहादुर राजकर्णिकार नापं सकल दुजःपिंत दुनुगलं इनाप यानाच्वना ।
कृष्णमान डंगोल
मखं गल्ली तुन्छेबाहाः येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
