सीघः विहारय् परित्राण पाठ

येँ (सन्ध्या टाइम्स)/उसाँय् मदयाच्वंम्ह धम्मावती गुरुमांया स्वास्थ्यलाभया कामना यासें सीघः विहारय् च्यान्हुयंकं न्ह्याइगु परित्राण पाठ सुरु जूगु दु। संघनायक भिक्षु अश्वघोष महास्थवीरपाखें न्हिंन्हिं सुथय् ७ बजेनिसें उगु पाठ जुइगु खँ धाःगु दु। ताःई न्ह्यवंनिसें उसाँय् मदयाच्वंम्ह धम्मावती गुरुमांयात बुधवाः ओम नर्सिङ्ग अस्पतालय् वासः याकेत भर्ना याःगु खः। थ्व स्वयां न्ह्यः वसपोलयात सर्वाङ्ग नर्सिङ्ग होमय् तयाः उपचार यानाच्वंगु खः। छुं ला न्ह्यः जक मोडल अस्पतालय् वसपोलया अपरेशन जूगु खः ।