काभ्रेय् देय् गुथिया लिपि कक्षा

काभ्रे (सन्ध्या टाइम्स)/ काभ्रेपलाञ्चोकय् वंगु कौलाथ्व त्रयोदशी कुन्हु नेवाः देय् गुथि नेपालमण्डल नासीका लागा काभ्रेया नायः सिद्धिबहादुर जोशीया अध्यक्षताय् नेपालभाषा व नेपाल लिपि कक्षा संचालन जुल। निवर्तमान केन्द्रीय महासचिव व वर्तमान केन्द्रीय सल्लाहकार बिष्णु चित्रकारपिंसं मंकाः कथं उगु कक्षाया औपचारिक उलेज्या यानादिल ।

ज्याझ्वःया मूपाहांपिंसं नेपालभाषा व नेपाल लिपिया ऐतिहासिक महत्वया बारे विस्तृत जानकारी बियादीगु खः। ज्याझ्वलय् लागाया मू सल्लाहकारलिसें संस्थापक व निवर्तमान नायः नापं केन्द्रीय दुजः तकं जुयादीम्ह जगतलाल धौगोडा स्यस्यःजुं भाषा व लिपिया महत्व व उपादेयताया बारे व्याख्या यासें प्रशिक्षार्थीतय्त प्रतिवद्धताया लिसें सयेकेत इनाप यानादीगु खः। लिसें नासिकास्थान गाविस जःखःया मेमेपिं इच्छुक प्रशिक्षार्थीतय्त नं उगु ज्याझ्वलय् ब्वति कायेत इनाप याःगु दु ।

More Stories Like this