एनआरएनया अध्यक्षय् लामिछाने निर्विरोध

रुसय् उद्योग व्यवसाय यानावाच्वम्ह जीवा लामिछाने गैरआवसीय नेपाली संघ (एनआरएन)या अध्यक्षय् निर्विरोध निर्वाचित जुयादीगु दु ।

निर्वतमान नायः देवमान हिराचनं लिप्पांगु इलय् थःगु उम्मेदवारी लितकायेवं लामिछाने निर्विरोध जुयादीगु खः । एनआरएनया अन्तर्राष्ट्रिय समन्व परिषदया पुलाम्ह अध्यक्ष व संस्थाया निवर्तमान उपाध्यक्ष तकं जुयादीम्ह लामिछाने निदँया कार्यकालया निंतिं अध्यक्षय् ल्यःगु खः ।

संस्थाया संस्थापक अध्यक्ष उपेन्द्र महत्तो नापंया पदाधिकारीतय्सं उम्मेदवारी लितकायेत इनाप यायेवं हिराचनं थःगु नां लितकाःगु खः । हिराचनं एनआरएनयात अझ एकताबद्ध तरिकां न्ह्याकेत थःम्हं नां लितकाइगु खँ धयादीगु दु ।