सुनकोसीइ बस कुतुवनाः ४१म्ह सित, १५म्ह घाःपा

सिन्धुलीं येँ वयाच्वंगु छगः यात्रुबहाक बस सुनकोसीइ कुतुवनाः पीछम्ह सीगु दुसाः झिंन्याम्ह घाःपा जूगु दु ।

बीपी राजमार्ग जुयाः वयाच्वंगु बस सिन्धुलीया झाँगाझोली-६ रेठ्ठी धाःगु थासय् बिहीवाः सुथय् दुर्घटना जूगु खः । ना. ३. ख. ९४१२ नम्बरया उगु बस सतकं स्वसः मिटरय् क्वये कुतुवनाः दुर्घटना जूगु खः । बसय् च्वय् च्वनाः वःपिं झिंछम्ह यात्रुत धाःसा बसं तिंन्हुया थःगु ज्यान बचे यायेत ताः लाःगु दु ।

घाःपा जूपिनि धुलिखेल अस्पतालय् वासः जुयाच्वंगु दु । बसय् क्षमता स्वयां अप्व मनूत दुगु व सतक नं बाम्लाःगु हुनिं दुर्घटना जूगु अनुमान याःगु दु । बसय् दुपिं यात्रुत मोहनी नखः हना येँ लिहांवयाच्वंपिं जूगु खँ प्रहरीं धाःगु दु ।