रक्षामन्त्री राजीनामा बिउ: माओवादी

येँ(सन्ध्या टाइम्स)/रक्षामन्त्री शरतसिंह भण्डारीं बिउगु अभिब्यक्तियात कयाः सरकारया नेतृत्व यानाच्वंगु पार्टी माओवादीं वय्कःया राजीनामा फ्वंगु दु।
थौं सुथय् सिंहदरवारया संसदीय दलया ज्याकुथी च्वंगु माओवादी संसदीय बोर्डया बैठकं रक्षामन्त्री भण्डारीया राजीनामा माग याःगु खः।
रक्षामन्त्री भण्डारीं राष्ट्र विखण्डन यायेगु नापं राष्ट्रघाती अभिब्यक्ति बिउगु निष्कर्ष पिकासें माओवादीं थ्व राजीनामा माग याःगु खः।
बैठकं संसद दुने आः पार्टीं म्हितीगु भूमिका बारे नं सहलह याःगु खः।