निगूलिं पक्षया प्रशिक्षण भेला स्थगित / केन्द्रीय समितिया मुँज्या आव्हान
एकीकृत नेकपा (माओवादी) दुने तिव्र विवाद जुयाच्वंगु इलय् बिस्कं बिस्कं निगू प्रशिक्षण भेला स्थगित यासें पार्टी केन्द्रीय समितिया मुँज्या आव्हान याःगु दु ।
पार्टी नायः पुष्पकमल दाहाल 'प्रचण्ड'या न्हू बजारय् बुधवाः सुथय् च्वंगु माओवादी पदाधिकारी मुँज्यां वइगु कार्तिक १७ गते केन्द्रीय मुँज्य आव्हान याःगु खः । नापं केन्द्रीय मँज्यां प्रचण्ड व वैद्य पक्षं बिस्कं बिस्कं आव्हान याःगु प्रशिक्षण ज्याझ्वः स्थगित याःगु दु ।
प्रचण्ड पक्षं २९ गते प्रशिक्षण भेला आव्हाना यानातःगु खःसा वैद्य पक्षं प्रशिक्षण ज्याझ्वः स्वयां न्ह्यः केन्द्रीय मुँज्या सःतेत दबाव बियाच्वंगु खः । उगु पक्षं यदि केन्द्रीय मुँज्या आव्हान मयासें प्रशिक्षण भेला याःसा थःपिंसं २८ गते हे बिस्कं प्रशिक्षण भेला आव्हान यायेगु व २९ गतेया भेला नं बहिष्कार यायेगु ख्याच्वः बियाच्वंगु खः ।
माओवादी न्वकु डा. बाबुराम भट्टराई प्रधानमन्त्री जुइधुंकाः लडाकु शिविरया ताःचा सरकारयात लःल्हायेवं विवादय् तक्यंगु माओवादीं आः छगू पक्षं मेगू पक्षयात उत्तेजित जुयाः आरोप प्रत्यारोप मयायेगु निर्णय नं पदाधिकारी मुँज्यां याःगु दु ।
