न्हूदँ हनेत नेपालभाषा मंकाः खलःलिसे सहलह
येँ (सन्ध्या टाइम्स)/नेपाल संवत् ११३२ न्हूदँ झःझः धायेक हनेगु निंतिं सहलह जूगु दु। न्हूदँ झःझः धायेक हनेगु विषययात कयाः नेपालभाषा मंकाः खलःया नायः पद्मरत्न तुलाधरलिसे नेवाः देय् दबूया नायः नरेश ताम्राकार, नेवाः जागरण मञ्चया संयोजक सुजीव बज्राचार्य, ज्यापु महागुथि येँ महानगर समितिया नायः ई. मोहनकृष्ण डंगोल, प्रजातान्त्रिक नेवाः दबूया गजेन्द्रमान मानन्धर, डा, गोपाल धौबन्जार, न्हुच्छेकाजी महर्जन, राजेन्द्र रञ्जित, जितेन्द्र विलास वज्राचार्य लगायतया दथुइ सहलह जूगु खः। राष्ट्रियस्तरं न्हूदँ हनेगु विषययात कयाः वय्कःपिनि दथुइ उगु सहलह जूगु खः ।
थ्वहे झ्वलय् नेवाः देय् दबू तेर्ह्रथुमया नायः दिनप्रसाद श्रेष्ठ मदुगुलिं वय्कःया छेँजःपिंत नेवाः देय् दबूया जःपिंसं बिचाः हायेकः वंगु दु ।
