बेपत्ता परिवारं प्रम नापलात

येँ(सन्ध्या टाइम्स)/राज्यपाखें बेपत्ता यानातःपिं मनूतय् छेँजःपिंसं थौं प्रधानमन्त्री डा. बाबुराम भट्टराईयात नापलानाः बेपत्ता छानबिन आयोग गठन यानाः याकनं हे बेपत्ता यानातःपिं मनूतय् बारे सत्यतथ्य खँ सीके माल धकाः आग्रह याःगु दु।
बेपत्ता परिवारया दुजःपिं थौं सुथय् वालुवाटार वनाः प्रमयात नापलासें थौं माओवादी सत्ताय् वंगु धइगु हे सहिद व बेपत्ता जूपिं थ्वहे योद्धाय् बलं यानाः खः, उकिं उमिगु बारे सरकारं छुं याये मफइगु खःसा माओवादी सत्ताय् च्वंच्वनेगुया छुं हे औचित्य मदु धकाः नं असन्तुष्टि प्वंकूगु खः।