प्रमयात नेपाः पार्टीया इनाप
येँ(सन्ध्या टाइम्स)/याकनं हे भारत भ्रमणय् वनेत्यंम्ह प्रधानमन्त्री डा. बाबुराम भट्टराईयात अन वनाः छुं नं कथंया राष्ट्रघाती सन्धि सम्झौता याना मवयेत नेपाः राष्ट्रिय पार्टीं खबरदारी याःगु दु।
पार्टीया नायः डा. केशवमान शाक्यं थन छगू वक्तव्य जारी यासें प्रम भट्टराईया भारत भ्रमण इलय् तुं नेपाःया त्रिभुवन अन्तर्राष्ट्रिय विमानस्थलय् भारतीय विमानया सुरक्षाया लागिं भारतीय सेना हे तैनाथ यायेगु सम्झौता जुइत्यंगु खँ पिहां वःगु कारणं नेपाःया अस्मिताय् लिच्वः लाकीगु अज्याःगु छुं नं सम्झौता याये दइ मखु धकाः इनाप याःगु दु।
