ज्यलावंम्ह मनू
डा. पुष्पराज राजकर्णिकार
जिन्दगीया अथलय् हितुहिया
भुइसे भाइसे
रंग वइगु थ्वइवन ।
थःत थःम्हं चीमफया
जिन्दगीया प्वालंपिलं
निष्ठा नं ज्वइवन ।
सिद्धान्तया कु क्वबिइमफया
ब्यवहारिकताया ह्वतंहितं
बिस्युं वनेत स्वइच्वना ।
ज्यलावंपिं मनूत खनां
गरखेसे गरखेसे
मन जिगु ख्वइच्वन ।
तापाक्क दना छन्हु निभाः
हेय्केथें, न्ववाय्थें
जितः स्वइच्वन ।
More Stories Like this
मांया ख्वाः स्वये नेवाः हाइकु निलापौ नेवाः हाइकु निलापौ नेवाः हाइकु निलापौ नेवाः हाइकु निलापौ
