पेट्रोलियम पदार्थया भाः अप्वल

नेपाल आयल निगमं थनिंनिसें लागू जुइ कथं पेट्रोलियम पदार्थया भाः थकाःगु दु । आयल निगमया सञ्चालक समितिया सोमवाः सुथय् च्वंगु मुँज्यां पेट्रोलय् स्वतका व डिजेल व मचिकंलय् छतका थकाःगु दु । थ्वस्वयां न्ह्यः सच्छि व नितका भाः कायम जुयाच्वंगु पेट्रोलया भाः आः सच्छि व न्यतका थ्यंगु दुसाः न्यय्न्यातका भाः दुगु डिजेल व मचिकंया भाः न्यय्खुतका थ्यंगु दु ।

निगमं एलपी ग्यास व हवाई इन्धनया न्हापा याःगु भाःयात हे यथावत कायम याःगु दु । मासिक ८३ करोड घाटा जुयाच्वंगु निगमय् न्हूगु मुल्य समयोजन लिपा मासिक ७१ करोड घाटाय् कुहांवइगु खँ धाःगु दु ।