तुच्चा शीर्ष नेतात वइगु

येँ(सन्ध्या टाइम्स)/नेसं. ११३२ न्हूदँया लसताय् नेवाः स्वायत्त राज्य मंकाः संघर्ष समितिं वइगु कौलागा ९ (कार्तिक ४ गते) याइगु तुच्चा ज्याझ्वलय् प्रधानमन्त्रींनिसें मूमू राजनीतिक दलया शीर्ष नेतात उपस्थित जुइगु जूगु दु। संघर्ष समितिं नेवाः मिसापिनि अन्तर्क्रिया याइगु जूगु दुसा ज्यापु महागुथिं शनिवाः नेवाः स्वायत्त राज्यया आन्दोलन बारे प्रशिक्षण बीत्यंगु दु।