हँय् सिबें नं ख्यें थिके जूगु मोहनि !
येँ(सन्ध्या टाइम्स)/नेपाःमितय् तःधंगु नखः धाइगु मोहनि गुलिस्यां निंतिं धाःसा भाः थिके यानाः नयेगु तःधंगु अवसर नं जुइगु जुयाच्वन। बस, विमान, सिसाबुसा आदिया भाः थहां वनीगु ला सकस्यां सिउगु हे खँ जुल। तर थुगुसी हँय्ख्येंया भाः थहां वंगु धाःसा लुमंकेबहःगु जक मखु ऐतिहासिक हे तकं जुल।
येँया बजारय् थुगुसी हँय्ख्यें छगःया २५० तका थ्यन। अझ उलि पुलाः नं न्यायेगु मदु।
तर ख्वपय् धाःसा बजाःभाः व स्वयां नं थहां वन। नवमि कुन्हु अन हँय्ख्येंया भाः थहां वँवं छगः न्यासः खुसः जक मखु ख्यासः तका तक थ्यन। ख्वपया तौमधि त्वालय् हँय्ख्यें छगःया च्यासः तका तक काल धकाः मनूतय्सं प्रहरी हयाः छम्ह पसल्यायात ज्वंका तकं छ्वःगु दु। तर वयात घौछि लिपा हे त्वःता हल। येँय् छगः ख्येंया द्वःछि तक थ्यंगु नं हल्ला दु।
