पचली भैरवया झिंनिदँया जात्रा न्ह्यात
पचली भैरवया झिंनिदँया जात्रा न्ह्यात। चालं (२०११ अक्टोबर ६) विहिाबाः बहनीसिया ८.४५ बजे पचली भैरव द्यःयाथाथ् गोप्यरुपं पुजा यानाः ख्वापाःतयाः पिहाँवयेवं जात्रा न्ह्याःगु जुल। लँय् पुजा फफं मरु भुतिसलय् थ्यंका मल्ल जुजुया प्रतिनिधिलिसे भैरवं खड्ग सिद्धि धकाः खड्ग हिलेगु ज्याझ्वः दु। न्हापा राजतन्त्र दुबलय् थ्व ज्या जुजुलिसे हे यायेगु जुयाच्वंगु खः।
थ्व प्याखं अमर मल्ल ( विसं १५८६ १६१७) या पालं निसें न्ह्याःगु धयातःगु दु। थ्व प्याखनय् विषेश रुपं नेवाःतय् दुने माली व मालाकारपिं पाखें झिंनिम्ह गणया भूमिकाय् प्याखंहुलेगु वा प्याखंया व्यवस्थापन इत्यादि याइ। थुकिइ महालक्ष्मी, गणेश, ब्रम्हायणी, रुद्रायणी, कौमारी, नारायणी, बाराही, मनमइ्जु, काली (भद्रकाली) भैरव, सिंगिनी, व्यांगिनी या लिसें श्वेत भैरवया भूमिका दयाच्वंगु दइ।
अनंलि थ्व प्याखं स्वनिगःया थी थी थासय् हुइकाः अन्त्यय् ज्याःबहालय् हुइकेवं सिथं यनेथें यंकाः प्याखं हुलीपिं द्यःपिन्सं हे थःथःगु ख्वाःपाः उयेवं थ्व प्याखं क्वचाइ।
News Location:
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
