बेल्जियमं सिद्धिरामायण पिथनीगु

पासाः पुचः गुथि बेल्जियमं नेपालभाषा महाकवि सिद्धिदासं च्वयादीगु सिद्धिरामायण पिथनीगु जूगु दु । थुगु जानकारी पासा पुचः गुथिया ग्वसालय् आइतवाः जूगु सिद्धिदास बुदिं हनेज्याझ्वलय् गुथिया सल्लाहकार सुरेन्द्रमान अमात्यं बियादीगु खः । थुगु पिथनाया लागि अर्जुनकुमार श्रेष्ठ व हरी शर्मा थपलिया निम्हसिनं आर्थिक ग्वहालि यानादीगु खँ नं वय्लं न्ह्यथनादिल ।

आइतवाः जूगु सिद्धिदास बुदिं हनेज्याझ्वलय् डा. बालगोपाल श्रेष्ठ मू पाहां कथं झायादीगु खः । उगु ज्याझ्वलय् बेल्जियमया मिनिष्टर काउन्सल कुमार खरेल, मतिना पौया सम्पादक शशी महाजु, च्वमि श्रीलक्ष्मी श्रेष्ठ व अन्तरराष्ट्रिय नेपाली साहित्यिक समाज बेल्जियमया राजकुमार पुढासैनीपिन्सं सिद्धिदासया व्यक्तित्वयात कयाः न्ववानादीगु खः ।

ज्याझ्व: पासा पुचः बेल्जियमया अध्यक्ष रजनी प्रधानया अध्यक्षताय् न्ह्याःगु खः ।

More Stories Like this