वाशिङटनय् नं नेवाः अर्गनाइजेशन अफ अमेरिका

Posted on Mon Oct 3, 2011 10:26 am NST

थौं अमेरिकाया वाशिशङटन राज्यय् नेवाःतय् छगू मुँज्यां नेवाः अर्गनाइजेशन अफ अमेरिकाया वाशिङटन च्याप्टर तदर्थ समिति नीस्वंगु दु ।

भाजु सुभाषराम प्रजापतिया अध्यक्षताय् नीस्वंगु उगु कमिटिइ उपाध्यक्षय् भाजु सुनिल जोशी, सचिवय् भाजु सगुन कर्माचार्य, कोषाध्यक्षय् भाजु सविन प्रधान ल्यःगु दु । अथेहे दुजलय् मय्‌जु कल्पना श्रेष्ठ, दिनेश्वर श्रेष्ठ व मोहन श्रेष्ठ ल्यःगु दु ।

वाशिङटन राज्यय् च्वनाच्वंपिं फुक्कं नेवाःतय्‌त मुनाः थःगु भाय् संस्कृतियात म्वाका तयेग व प्रवर्द्धनया लागि ज्या याना वनेगु मुँज्यां क्वःछिगु दु । थुकियालिसे नेपाः व वाशिङटन राज्यय् सामाजिक व आर्थिक विकासया लागि थीथी ज्याझ्वः न्ह्याका वनेगु धाःगु दु ।