माओवादी बैठक अन्यौल
येँ(सन्ध्या टाइम्स)/एकीकृत माओवादीया थौं च्वनेगु धयातःगु स्थायी समितिया बैठक अन्यौल जूगु दु। थौं सनिलय् च्वनेगु धयातःगु बैठकया बारे थःपिंत जानकारी तकं मवःगु खँ पार्टीया सचिव मोहन बैद्य पक्षया नेता सीपी गजुरेलं धयादीगु दु। वय्कलं थःपिनिगु पक्षया नेतात स्वनिगलं पिने लानाच्वंगुलिं बैठक स्थगित यायेत इनाप यानागु दु धकाः नं संचारकर्मीतय्त जानकारी बियादीगु दु। माओवादीया केन्द्रीय कमिटीया बैठक च्वनेगु धकाः निकः तक मिति क्वःछिनाः नं स्थगित याःगु खःसा आः मोहनि नखः लिपा जक बैठक च्वनी धाःगु दु।
