विराट नेपालभाषा साहित्य सम्मेलन गुथिं स्वम्हेसित हनीगु
बागू शताब्दी न्ह्यःनिसें 'जातीय स्वतन्त्रतायात क्वतेला राष्ट्रिय उत्थान जुयेफइमखु' धइगु नारासहित दँय्दसं यानाच्वंगु विराट नेपालभाषा साहित्य सम्मेलन गुथिं थुगुसी न्यय्दँया लुँ बुन्हि कथं ज्याझ्वः हनेत्यंगु दु ।
थुगुसी थुगु ज्याझ्वः ख्वपया लाय्कुलिई जुइगु ग्वसाखलकं जानकारी ब्यूगु दु । गुथिया लुँ बुन्हिया हे लसताय् नेपालभाषा नेवाः साहित्य व तजिलजिइ ज्वः मदुगु योगदान यानाच्वनादीपिं स्वनिगः व स्वनिगलंपिने याना स्वम्हेसित हनीगु जूगु ख: ।
भाषा ख्यलय् तःजिगु योगदान बियादीपिं पूर्वांचलं विराटनगरया भाजु शुदर्शन बहादुर श्रेष्ठ, पश्चिमांचलं पोखराया भाजु प्रकाशमान पालिखे व स्वनिगलं येँया भाजु नातिबज्र वज्राचार्ययात हनीगु खः ।
दँय्दसं थें कौलाथ्व द्वादशी व त्रयादशी खुन्हु जुइगु थुगु ज्याभ्वःलय् न्हापांगु न्हि द्वादशी खुन्हु थुगु हनीगु ज्याझ्वः दुगु ग्वसाखलकं जानकारी ब्यूगु दु ।
Related Stories
विराटया लुँबुदिं तःजिक हनेगु तयारी विराटं स्वम्हेसित हनीगु
