एमाले एकमुष्ट विदाया पक्षय्

येँ(सन्ध्या टाइम्स)/नेपाः धर्म निरपेक्ष राज्य घोषणा जुइधुंकूगु अवस्थाय् छुं विशेष जाति व समुहया नखःया नितिं फुक्क समुदायं विदा काये माःगु पाय्छि मजूगुलिं फुक्कसित एकमुष्ट विदा बीगु अले थःथःपिनिगु नखःया इलय् मिले यानाः विदा कायेगु व्यवस्था यायेमाः धकाः एमालें प्रस्ताव यंकीगु जूगु दु।
उज्वःगु व्यवस्था जुल धाःसा कर्मचारीतय्सं थःथःगु नखःबलय् थःत पायक जुइ कथं बिदा काये फइगु व देय्या प्रशासनिक निकाय नं ताः ई तक बन्द याये म्वाःलीगु खँ नं एमालें धाःगु दु।
एमालें संविधानसभाय् थ्व प्रस्ताव यंकीगु खँ एमाले सूत्रं धाःगु दु। थ्व हे दथुइ एमालें थुगुसीनिसें मोहनि नखःया लसताय् चियापान ज्याझ्वः नं मयाइगु जूगु दु। उकिया पलेसा पार्टी स्थापना दिवसया लसताय् चियापान याइ धाःगु दु।