माओवादी व कांग्रेस दथुइ उच्चस्तरीय संवाद

येँ(सन्ध्या टाइम्स)/दिनाच्वंगु शान्ति प्रक्रिया व संविधान दयेकेगु ज्यायात न्ह्यःने यंकेगु लागिं थनिंनिसें माओवादी व नेपाली कांग्रेसया उच्चस्तरीय नेतातय् दथुइ वार्ता सुरु जुइत्यंगु दु। प्रम भट्टराई न्युयोर्कं लिहां वयाखतं हे थ्व ज्या न्ह्याकेगु पहल यानादीगु खः। थनिंनिसें सुरु जुइगु थ्व वार्ता मोहनिया इलय् तकं जारी यायेगु खँय् दलतय् दथुइ सहमति जुइधुंकूगु दु। थौं न्हापांगु संवाद गन गुइलय् च्वनेगु धइगु खँ धाःसा क्वःमछिउनि।