धनगढीइ छगः बम मुल, मेगु बम लुल

येँ(सन्ध्या टाइम्स)/धनगढीया चटकपुरय् थौं सुथ न्हापां बम मूगु दु। भीम बहादुर साउदया मिल न्ह्यःने दिकातःगु ना. ३ ख ९०९० नम्बरया ट्रकया क्वय् फिट यानातःगु प्रेसर कुकर बम थौं सुथय् पौने ५ बजे मूगु खः। ५ लिटरया उगु प्रेसर कुकर बम मुयाः गाडीया न्हाय्कं तज्याःगु दुसा मेगु खास हे क्षति मजूगु खँ प्रहरीं धाःगु दु। बम सुनां छाय् विस्फोट याःगु धइगु खँ सी मदुनि।
अन बम मूगुयां छुं ई लिपा हे हाकनं मेगु छगः बम नं लुयावःगु खः। बम विस्फोट जूगु थाय् चटकपुरं थ्यंमथ्यं २०० मिटर लिक्क हे बीके आयल स्टोरय् मेगु बम लुया वःगु खः। लुयावःगु बम निष्त्रिय यायेत नेपाली सेनाया बम डिस्पोजल पुचः उखे वने धुंकूगु दु।