'भूत जुइगु लँय्' दयेकूगु स्कुल थुना छ्वत !

येँ(सन्ध्या टाइम्स)/ अन्धविश्वास दुसा स्कुलं चीका बी, तर बैतडीया आमचोरा धाःगु थासय् अन्धविश्वासं यानाः स्कुल हे चीका छ्वयेगु ज्या जुल।
स्थानीय आमचोराया रायपुर निमावि, चौखामया उदय मावि व शिवलिंगमा स्थित जनचेतना निमाविइ आखः ब्वनीपिं विद्यार्थीतय्त वंगु छुं न्हि न्ह्यवंनिसें अजू चायापुगु ल्वचं थिया हःगु जुयाच्वन। थ्व स्वंगुलिं स्कुलय् ब्वनीपिं विद्यार्थीत कक्षाय् हे ख्वइगु, बेहोश जुइगु, कापी किताब खुइगु, शिक्षकयात अप्पां कयेकेगु थेंज्याःगु ल्वचं ग्रस्त जुइवं स्थानीय मनूतय्सं थुकियात भूतया ज्या धकाः तायेकूगु जुयाच्वन। भूत जुइगु लँय् स्कुल दयेकूगु कारणं मस्तय्त अथे जूगु खः धासें स्थानीय मनूतय्सं आमचोराया रायपुर निमाविया नकतिनि दयेकूगु नितँ जाःगु छेँ हे थुनाछ्वःगु दु। ल्वय् पत्ता लगे मजुयाः स्थानीय मनूतय्सं थीथी थासय् इनाप नं याःगु दु।