रक्षामन्त्री चीकेत नेपाः पार्टीया माग
येँ(सन्ध्या टाइम्स)/नेपाः राष्ट्रिय पार्टीं तराई कुचा थलेगु विवादास्पद अभिब्यक्ति बियादीम्ह रक्षामन्त्री शरदसिंह भण्डारीयात याकनं हे पदं चीकेत माग याःगु दु।
पार्टी अध्यक्ष डा. केशवमान शाक्यं छगू प्रेस विज्ञप्ति बिसें 'मुलुकयात न्हूगु सोच कथं न्ह्याकेमाःगु थौंया इलय् छम्ह जिम्मेवार ओहदाय् च्वनाच्वंम्ह मनुखं अज्याःगु अभिब्यक्ति बिउगु धइगु मुलुकयात संघीतापाखे मयंकेत याःगु चलखेल जूगु खः व रक्षामन्त्रीं अज्याःपिनि मतियार जुयाः ज्या याःगु खने दत' धयादीगु दु।
