कन्हय् नेपालभाषा मिसा साहित्य सम्मेलन

यल(सन्ध्या टाइम्स)/ नेपालभाषा मंकाः खलः यलं कन्हय् न्हापांखुसी नेपालभाषा मिसा साहित्य सम्मेलन यायेत्यंगु दु। त्याःगःया मंकाः छेँय् जुइगु उगु सम्मेलनय् न्हूपिं पुलांपिं यानाः नेपालभाषाया ४० म्ह मिसा साहित्यकारतय्सं थःपिनि
रचना पाठ यानादी। प्रज्ञा प्रतिष्ठानया प्राज्ञ सुलाचना मानन्धर मूपाहां जुयादीगु उगु ज्याझ्वलय् ८० दँ पुलेधुंकूम्ह मन्दिरा प्रधान व राजनीति ख्यलय् योगदान यानादीम्ह स्नेहलता वनश्रेष्ठयात हनीगु नं ग्वसाः दु।