मदुम्ह बुद्धघोष महास्थविरया अन्त्येष्टि

यल(सन्ध्या टाइम्स)/मदुम्ह संघनायक भिक्षु बुद्धघोष महास्थविरया अन्त्येष्टि म्हिगः बौद्ध परम्परा कथं सम्पन्न जुल। लुखुसिया श्री सुमंगल विहारं न्ह्याःगु शवयात्रा यलया थीथी लागा चाःहिलाः शंखमुलय् थ्यंकाः क्वचाःगु खः। अन हे बौद्ध पाठ व परित्राणया दथुइ वसपोलया अन्त्येष्टि जूगु खः। उगु इलय् आपालं भिक्षु भिक्षुणी, अनगारिका, उपासक उपासिका लिसें थीथी बौद्ध देशया राजदूतपिं नं उपस्थित जुयादीगु खः।
संघनायक भिक्षु बुद्धघोष महास्थविर वंगु शनिवाः मदुगु खः।