नेवाःत होशियार जुइमाल

नेवाःतय्गु मौलिक जातीय विशेषता कथं दुगु सभ्य सदाचारया लबः काये कथं नेपाःया राज्यस्तरं आदिवासी नेवाःतय्गु अहित जुइगु ज्याखँत न्हापांनिसें न्ह्याका वयाच्वंगु दु । छगूयां लिपा मेगु अहितया ज्याखँ छगूयां लिपा मेगु सरकारं याना वयाच्वंगु आः तकं मदिउनि । वंगु यँयाःबलय् नेवाःतय्गु सांस्कृतिक पर्वयात न्हंकेगु कथं गज्याःगु षडयन्त्र यात । यदि नेवाःत छधी मजूगु खःसा यँयाः धइगु दन्त्यकथा हे जुइगु । थ्वहे झ्वलय् आः हाकनं नेवाःतय्त ुटेन्सनु जुइ कथं सरकारं काठमाडौं उपत्यका शहरी विकास सम्बन्धी विधेयक हयेगु सुरसार याःगु खनेदु । थ्व विधेयक कथं सरकारं स्वनिगःया जग्गा अधिग्रहण यानाः वस्ती विकास यायेगु लक्ष कयातःगु दु । थ्व धइगु नेवाःतय्गु ततःधंगु फाँट जग्गात सरकारं अधिग्रहण यानाः अन पिनें वयाच्वंिपंत आवास विकास यानाः स्थापित यायेगु षडयन्त्र खः । स्वनिगलय् च्वंिपं नेवाःतय्त तितर बितर यायेगु लक्ष्य तयाः हयेत्यंगु थ्व विधेयक नेवाःमारा विधेयक खः । सरकारं तत्काल लित कायेमाः । मखुसा थ्व विधेयकया विरोधय् हानं नेवाःत दना वये मालेफु । ७५ जिल्लाया मनूतय्गु इच्छा धइगु हे थ्व स्वनिगलय् छखा छेँ दनाः च्वनेगु खः । थ्व लक्ष्य पूवंकेत स्वनिगःया जग्गा ल्हातय् लाकाः नेवाःतय् अहित मयासें मगाः । उिकं उमिसं इलय् ब्यलय् थनया जग्गा सम्बन्धी न्हून्हूगु कानून व्यवस्था हयाच्वंगु दु । गुथि जग्गा मीगु व्यवस्था जग्गा धनी व म्हय् दथुइ ल्वापु यायेगु भूमि सुधारया व्यवस्था धइगु थ्व स्वनिगःया नेवाःतय्गु जग्गात याउँक पिनें वःिपंसं ल्हातय् लाकेगु सुनियोजित दाउ जक खः ।

थ्व विधेयकया विरोध झीसं छधी जुयाः यायेमाः । थ्वहे झ्वलय् थ्व स्वनिगलं प्रतिनिधित्व यानादीिपं सभासद व नेवाः सभासदतय्त थःथःगु पार्टी दुने थ्व विधेयक बारे अवगत याकेत इनाप यायेमाः ।

नेवाःतय्गु सहनशिलतायात हाथ्या बीगु दुस्प्रयास यक्व जुल आः थज्याःगु दुस्प्रयास सुनां नं यात धाःसा नेवाःतय्सं न्हापा न्हापा थें सह यायेगु जुइ मखु ।

झी नेवाःतय्सं नं नेवाः दने नेवाः खनेगु कुतः यायेमाल । झीगु थ्व हे कमजोरीया फाइदा कयाः थन पिनें वयाच्वंिपंसं झीगु बराबरी स्थापित याना वयाच्वंगु दु । दाजु किजाया ल्वापु मिले याईपं झी नेवाः मखु कर्पिं जुयाच्वंगु दु । झी दुने झी धइगु भावनायात च्याके माल । नेवालं नेवाःयात तिबः बी माल । चक्रपथ दुने पिने जक मखु अनं दुनेया नेवाः मू वस्ती वयेगु लागाय् तकं पिनेयापिनिगु बाहुल्यता दयेधुंकल ।

नेवाःतय्गु मू लागा वंघः असं मरु मंगःबजाः लगंख्यः पूच्व सानेपा ग्वार्को कोटेश्वर थिमि जगाति थेंज्याःगु थासय् तकं बालं च्वंिपं पिनेया मनूत झीगु बराबरी थ्यनेधंुकल । थ्व गम्भिर विषय खः । झी नेवाः- तय्गु लािगं बालं बी दत धकाः धमाधम पिनेया मनूतय्त त्वाः वस्ति त्वःताः वनेगु धइगु झीगु लागाय् झी हे अल्पमतय् लाइगु खँयात आः नेवाःतय्सं बांलाक हे थुइकेमाल ।

कृष्णराज श्रेष्ठ

More Stories Like this