बमया आशंकां मेगु बबाल

येँ(सन्ध्या टाइम्स)/छखे बुद्ध एयरया विमान दुर्घटना जुयाच्वंगु इलय् लाक्क हे त्रिभुवन विमानस्थलय् छगः विमानय् बम तयातःगु आशंकां मेगु हल्लाखल्ला याना बिल। येँनं भारतया दिल्लीपाखे ब्वयेत्यंगु स्पाइस जेटय् बम तयातःगु आशंका यानाः त्रिभुवन अन्तर्राष्ट्रिय विमानस्थलय् बाघौ तकया नितिं फुक्कं उडान व अवतरण बन्द याःगु दु। लिसें विमान गयेधुंकूपिं फुक्कं यात्रुतय्त विमानं क्वकाःगु खः। बम दु धाःगु जेटय् नेपाली सेनाया बम डिस्पोजल पुचलं अनुसन्धान न्ह्याकूगु दुसा मेगु विमानत ब्वयेकेगु सुरु याःगु दु।