संघनायक भिक्षु बुद्धघोष महास्थविर मंत

यल(सन्ध्या टाइम्स)/नेपाःया बुद्धधर्मय् ज्वः मदुगु योगदान बियाबिज्याःम्ह संघनायक जेष्ठतम् भिक्षु बुद्धघोष महास्थविर मंत। वसपोल ९१ दँ दुम्ह खः। शनिवाः सुथय् ५:२० बजे वसपोल मदुगु खः। वसपोल ताः ई न्ह्यवंनिसें पिसाब र प्वाःया ल्वचं कयाच्वंम्ह खः। वसपोलया पार्थिव शरीरयात आः थनया लुखुसिइ च्वंगु सुमंगल विहारय् अन्तिम श्रद्धांजलिया लागिं तयातःगु दु।
म्हिगःनिसें विहारय् थीथी वरिष्ठ भन्ते गुरुमांपिनिपाखें परित्राण पाठ व पुजा आदि सुरु जूगु दुसा थौं थीथी राजनीतिक पार्टीया नेतातय्सं नं अन्तिम श्रद्धांजलि प्वंकादीगु दु। थौं वसपोलयात संविधानसभाया अध्यक्ष सुभाष नेम्बाङ, नेपाली कांग्रेसया सभापति सुशील कोइराला, कृष्णप्रसाद सिटौला, नेकपा (एमाले)या प्रदिप ज्ञवाली आदिपिंसं अन्तिम श्रद्धांजलि प्वंकादीगु दु। थाईल्याण्डया संघराजा फ्रा. ञाणसंवरपाखें नं छगू धम्म संवेग विज्ञप्ति पिथँसें वसपोलया गुणास्मुरण यानाबिज्याःगु दु।
शवयात्राया लँपु
मदुम्ह भिक्षु बुद्धघोषया शवयात्रा कन्हय् न्हिनय् १ बजे सुमंगल विहारं न्ह्याइ। शवयात्रा उकुबाहाः�थैना�हौगः�मंगलबजाः� क्वाबाहाः�ईबही�सिकबही जुयाः शंखमुलय् अन्त्येष्टि जुइ।