ज्यापु महागुथिया पत्रकार सम्मेलन
ज्यापु महागुथिया निक्व:गु त:मुँज्याया प्रचार यायेगु झ्वलय् थौं थनया होटल अशोका बागबजारय् छगू पत्रकार सम्मेलन जुल । महागुथिया नाय: विपेन्द्र महर्जनया सभापतित्वय् जूगु ज्याझ्वलय् प्रचार समितिया दुज: मय्जु मनरा प्रजापतिजुं लसकुस यानादीगु ख: ।
ज्याझ्वलय् न्ववानादिसें प्रचार उपसमिति संयोजक अनुप सिं सुवालं निक्व:गु अधिवेशन नेवा: स्वायत्त राज्य प्राप्तिया नितिं जुइत्यंगु व ज्यापु महागुथि स्वायत्तता, संघीयता व धर्मनिरपेक्षताय् अडिग जुयाच्वनीगु खँ न्ह्यथनादिल ।
नुग:खँ तयेगु हे झ्वलय् ज्यापु महागुथि उत्तर गां लागा समितिया नाय: गणेशमान महर्जनं तोखाय् जुयाच्वंगु तयारीया सम्बन्धय् जानकारी बियादीगु ख: । वय्कलं महाधिवेशनय् ब्वति कायेत झा:पिनि सुविधाया नितिं खाद्य, प्रचारप्रसार, स्वास्थ्य लगायत थीथी आवश्यक समिति स्थानीयरुपं नीस्वना: ज्या न्ह्याकाच्वनागु जानकारी बियादिल ।
थुकथं हे ज्यापु महागुथि येँ महानगर समितिया नाय: इ. मोहनकृष्ण डंगोलं नुग: खँ तयादिसें ज्यापु महागुथि जातीय स्वशासन व स्वायत्त राज्य प्राप्तिया आन्दोलनय् सदां प्रतिबद्ध जुयाच्वनीगु जानकारी बियादिल । नुग:खँ तयेगु झ्वलय् महागुथिया मूछ्याञ्जे लिसें संगठन व ज्याझ्व: कजि राजभाइ जक:मिजुं संगठन व ज्याझ्व: उपसमितिं यानाच्वंगु ज्याया विषयस कनादीगु ख: ।
ज्याझ्वलय् पत्रकारपिसं न्यनादीगु न्ह्यस:या लिस: महागुथिया नाय: विपेन्द्र महर्जन व मूछ्याञ्जे राजभाइ जक:मिजुं बियादीगु ख: ।
News Location:
Related Stories
More Stories Like this
छगू भाषं जक जुयाच्वंगु प्रचारं लिच्वः पिदनी मखु स्याङ्जाया ७० दँया मेघनारायण मानन्धरया नुगः खँ नेपालभाषायात नेवारभाषा गुबले निसें धाल ? ख्वपया नमूना चण्डेश्वरी पर्वतय् नेवाः भाय् सम्वन्धी पर्वतया ९२ दँया सरस्वती श्रेष्ठया नुगः खँ
