माओवादीया राष्ट्रिय स्वाधिनता सम्बन्धी गोष्ठी

येँ (झीगु स्वनिगः)

एकीकृत नेकपा माओवादीया वरिष्ठ न्वकु मोहन वैद्य किरणं ताःचा लःल्हानाः व मधेशी मोर्चानाप याःगु प्यंगू बुादे सम्झौतां राष्ट्रिय स्वाधिनतायात गम्भीर लिच्वः त्वःतूगु धयादीगु दु । थनया बानेश्वरया कृष्णभोग पार्टी प्यालेसय् जूगु राष्ट्रिय स्वाधिनताया गोष्ठीइ न्ववानादीगु भmवलय् वय्कलं प्यंगू बुादे सम्झौता यानाः देय् व जनतायात बन्दकी दयेकूगुलिं आः थत्थें खारेजीया माग यानादिल । देशदुने व विदेशं वःपिं जिल्ला सेक्रेटरी तक्कया करीब स्वसः नेता कार्यकर्तातय्गु दथुइ जूगु उगु गोष्ठी सरकारय् वनेगु नितिं मेचनाप राष्ट्रियता व स्वाधिनतायात दाउलय् तःगु वय्कःया दाबी खः ।

वय्कःया धापू कथं पार्टीदुने व पिने संशोधनवादी हाबी जुयाः राष्ट्रिय आत्मसमर्पण याःगु दु । थुकिया विरुद्ध देशभक्त व गणतन्त्रवादीत छप्पा छधी जुइगु जरुरी दु । ताःचा लःल्हायेगु व प्यंगू बुादे सम्झौता थःपिंत धोंलानाः यात धयादिसें नेता किरणं सुनां नं पार्टीया नीति व ज्याभmवःया अःखः याःगु थुज्वःगु कथं आत्मसमर्पणविरुद्ध भण्डाफोर यायेगु जरुरी दुगु धयादिल । ज्याभmवलय् मू छ्याञ्जे व जनमुक्ति सेना, नेपाःया इञ्चार्ज रामबहादुर थापा बादलं 'नेतृत्वं आत्मसमर्पण याकेगु नियतं ब्यूगु आदेश थःपिंत गबलें नं मानय् यायेमफैगु धयादिसें दलाल व नोकरशाही जमिन्दारतपाखें कब्जाय् कयातःगु जग्गा लितबी मफैगु धयादीगु दु ।

वय्कलं प्यंगू बुदे सम्झौताय् किसानयात भूमिहीन यायेगु, भारतीय पक्षपाखें विमानस्थलय् भारतीय सुरक्षाकःमि तयेगु, पूर्ण मजूनिगु सम्झौतात पूवंकेगु कथंया षड्यन्त्र जूगुलिं छुं नं हालतय् थ्व ज्या याकेमबीगु प्रतिबद्धता नं प्वंकादिल । अथेहे स्थायी समितिया दुजः देव गुरुङ्ग, छ्याञ्जे सीपी गजुरेल, स्थायी समितिया दुजः नेत्रविक्रम चन्द 'विप्लव' लगायत नेतापिंसं न्ववानादीगु खः ।