मूपाहां व सभानायःयात मल्तामा: क्वखायेकाः हन
नेपालभाषा ख्यालिन्हिलि बिधायात च्वन्ह्याकेगु तातुनां नीस्वनांतःगु ख्यालिगुलु गुथिं थःगु गुक्वःगु ज्याझ्व: येँया सभागृहय् म्हिगः तःजिक यात । ख्यालिजुजु भाजु मदनकृष्ण श्रेष्ठं उलेज्या यानादीगु ज्याझ्वः स्वकुमिपिनि दथुई गोलापाखें सभानायः व मूपाहाँ ल्यःगु खः ।
ख्यालिगुलु गुथिया प्रवक्ता भाजु सुरेशकिरण मानन्धरं लसकुस यानादीगु ज्याझ्वलय् श्यामसुन्दर सिल्पकार व अर्णेश्वरी सिल्पकारं 'छु माल' नांया ख्यालः न्ह्यब्वःगु खः । अथेहे विजय मानन्धरया 'कुलांगार' रवि डंगोल व सुशिल राजोपाध्यायया 'जि नं डाइरेक्टर मखु', सुरेन्द्र तुलाधरया 'यमराजया डिसिजन' व रामकृष्ण खड्गीया 'संविधान दयेकेगु झीगु पाः' ख्यालः न्ह्यब्वःगु खः । अथेहे सुरेन्द्र मानन्धर व रेवन्तलाल श्रेष्ठं नं थःगु ख्यालः न्ह्यब्व:गु खः ।
ज्याझ्वःया दथुदथुई भिंतुना जोशी शाक्य व सुरेन्द्र महर्जन लिसें सोनी श्रेष्ठं हुलाप्याखँ न्हयब्वःगु खः । छझाः जादुक्यनां नं न्ह्यइपुकूगु ज्याझ्वलय् ख्यालिजुजु मदनकृष्ण श्रेष्ठं म्ये हालादीगु खः ।
ज्याझ्वलय् स्वकुमिपिंत लुखा सिरपानं देछाःगु खः । स्वकुमिपिनिगु हे टिकटयात गोलातया थथे सिरपा देछाःगु खः । सिरपा कथं लौका छत्याः, ककचाः माः, स्यल्लाःगु लैं छकलि लिसें लालमोन निगः व ऐंथे छपु देछाःगु खः ।
ख्यालिगुलु गुथिया छ्यांजे भाजु हृदयप्रसाद मिश्रं न्ह्याकादीगु व गुथिया नायः भाजु गणेशराम लाछिजुं सुभाय् देछायादीगु ज्याझ्वः मल्तामाः क्वखायातःम्ह सभानायः सुनिल ताम्राकारं ज्याझ्वः क्वचाःगु घोषणा यानादीगु खः ।
(किपा : बिजय सिंह)
News Location:
More Stories Like this
बाघ भैरवया भजन म्येँया म्यूजिक भिडियो सार्वजनिक दाफा भजन म्येँ नं आः म्यूजिक भिडियोय् श्रीच्छा प्रधानं त्याकल 'मिस नेपाल वर्ल्ड २०२३' या उपाधि नेपालभाषाया न्हूगु म्युूजिक भिडियो “याकः मिसाया छेँ खः झीगु किपू देयया प्यंगः थां” सार्वजनिक मिस नेवाः जिगु लुमन्ति व अनुभव
